یئنه ده نیفرت
واراجاق اوره ییمه
کوکسومون فیلته سینی اودلاسام بئله
پارتلایاجاق بیردن
اورییمده کیلر اوزونوزه
بیر ایکی ده نه جیغارا جیبینده
چاخماقسیز دولاناردی هر یئری
ایی بیلمز بورنونون اوجودا
قیزاراردی سویوقدان
دیک – دیک دانیشیب
یاناکی باخاردی یاشیل گوزلری
شعیرلننده اوره یی
"ناظیم "ی اوخویاردی "حکمت" دن یاخشی
"یا قاراباغ"دئییردی "اوزان عاریف" دن بتر
قالادا قالیر هله سسی
قایادا دینله نیر اونون نفسی
تام ایی
ایگید
ایگیدلر اولمزلر دئمیشلر
بو تناقوضو دوشونره ک
او اولدو.
داها بویوکلوکلره شعیر لنمه یه جه یم
قاف داغینا چیخماغیما دا...
ان کیچیک،
اینجه بارماغیمی توتوب سنه ساری
گوسترگه باماغبیمیدا سنه ساری توتورام
اولویوب،
سنه گلیرم وطن.
بو ایل
تام اکینه جک یئرلریمیزه
بومبا اکه جه یم
آتم بیچه جه یم اللریمله
تورپاغی گویه سوورولدوب
اوزگورلویوموزو ایناندیرام
کندیمیزدکیلره