** سعید متین پورون جیسارتینه **

سیلاحداشیم سعید متین پورون جیسارتینه

مندن او اولو اینسانا سلام دئی

کلبچه لی اللرینی سیخ

قاداقلانمیش گوزلرینه سو سپ

و اوتور اونونلا دیز-دیزه

دئی کی

 سنی بیزدن آییران دووارلار

بتونلار هامیسی

وطندیر

 یانی تورپاق

و بیز وطنی سئودییمیز ایچین

دوستاقداییق.

مندن او اولو اینسانا

بیر اوووج تورپاق گوتور

و دئی کی

بودور سنی بیزدن آییریر

و سونوندا

بیر-بیریمیزه قوووشدورور.

مندن او اولو اینسانا

مرحبا دئی

آفرین دئی

دئی کی

اوسانما دئمه کی دوستاقداییق بیز

اوره یی دوستاقدا ،اوزو دوستاقدا

سنین ده اوره یین، منیم ده جانیم

واریکن یارانیب سؤزو دوستاقدا.

اسماعیل کریم زاده نین خاطیرلاماسی

 

بیر ایکی ده نه جیغارا جیبینده

   چاخماقسیز دولاناردی هر یئری

        ایی بیلمز بورنونون اوجودا

                   قیزاراردی سویوقدان

دیک – دیک دانیشیب

یاناکی باخاردی یاشیل گوزلری

       شعیرلننده اوریی

"ناظیم "ی اوخویاردی "حکمت" دن یاخشی

"یا قاراباغ"دئییردی "اوزان عاریف" دن بتر

قالادا قالیر هله سسی

قایادا دینله نیر اونون نفسی

تام ایی

   ایگید

گنج یاشیندا آغلایاردی قوجامان کیمی

  یالتاقلارا توخوشادی سیلدیرم تک

                   شیمشک  سایاق

لاچین (رحمتلیک اسماعیل کریم زاده) ایل دونومو مناسبتیله

 

بیر ایکی ده نه جیغارا جیبینده

   چاخماقسیز دولاناردی هر یئری

        ایی بیلمز بورنونون اوجودا

                   قیزاراردی سویوقدان

دیک – دیک دانیشیب

یاناکی باخاردی یاشیل گوزلری

       شعیرلننده اوره یی

"ناظیم "ی اوخویاردی "حکمت" دن یاخشی

"یا قاراباغ"دئییردی "اوزان عاریف" دن بتر

قالادا قالیر هله سسی

قایادا دینله نیر اونون نفسی

تام ایی

   ایگید

ایگیدلر اولمزلر دئمیشلر

بو تناقوضو دوشونره ک

        او اولدو.

ساواش

"جنگی کوراوغلو"

      اوزگورلویه ساواشماق دوغرو

            دوغراناجاییق داغراماساق بئله

      "یانیق کرمی"

         یانمیش اورکلریمیزین دمی

                     توستوسو

        "تورپک اوتو"نا معروض بیر زمی

         "قاراباغ شیکسته سی"

قارا باغریمیزین قانامیش گوزگو نفسی

           "اوزان عاریف "ین سسی

                "موسلوم ماقایوف"ون شیکسته سی

ده دم قورقودون ده دسی

   "اسماییل لاچین" ین هر نمه نه سی

آزربایجانین گنج شاعیری سهند افشارلی-نین آجیناجاقلی اولومونه

 

_{اودون باشیندا اوتورموشدوق}

_{وطن دردینی دوداقلاریمیزدا}

            _{اوتقونوردوق}

       _{اود کیمی آلیشیردی ایچیمیز}

_{بیز ایکیمیز}

_{هاوا قورقوشوم آغیرلیغیندان آغیر}

         _دومان،

      _{گوزلریمیزه چیسیب دونموشدو}

_{بیر بیرینه چارپیردی دیشلریمیز}

    _{بیز ایکیمیز}

_{اوره یی آغیرماسین دئیه}

         _{آغلاییردی ایچی}

_{شعیر آلیشدیر ایچیمده دئدی:}

_{شعیر آلیشیردی ایچیمیزده}

       _{بیز ایکیمیزده}

_{بذ قالاسینین اته یینده}

  _{یورقون آیاقلاریمیزین ایزی}

       _{قاناییر ایندیده}

_{بیز ایکیمیزده}

قاراجا بالیق( صمد بهرنگی-نین روحونا سونور)

 

 

ننگ-نهنگ آتدیم آت

سنی قاراجا بالیق کیمی

            بالاجا بالیق کیمی

                دنیزدن آییرماسینلا

       بوْغماسینلار

       بوْغدورماسینلار

وار اولدوغونو قورو

       بالیق سان بالیق اوْل

دنیزلر اورمانیندا

        آسلان کیمی

           نهنگ-نهنگ یاشا

                 نهنگ-نهنگ آتدیم آت.