سهند افشاری آرامیزدان کوچوب گئتدییندن ایللر سوودو.

سهند افشاری آرامیزدان کوچوب گئتدییندن ایللر سوودو، آما اوندان قالان سئوگی بیزی حالا یاشاتمادادیر.

بیز اوچ یولداش ایدیق - سهند افشاری

بیز اوچ یولداش ایدیق،
من، تانری، بیرده سیگارام
اول من یاناردیم،
سونرا سیگارام یاناردی،
تانریم باخاردی
یولون سونوندا،
اول من اؤلدوم،
سونرا سیگارام سؤندو
اوچوموزدن بیریمیز قالدی،
تانری کیمسه سیز قالدی
او زامان،
او زامان تانری آنلادی،
آنلادی،
آغلادی
مزاریم اوسته یاش تؤکوب قورتاردی.

:: Özgürlüyün Paşindeyem :: اوزگورلویون پئشینده یم ::

Her Kimse,

Elde Edebilmediklerinin Prşinde Qaçar,

Mende O Üzden,

Vatanimin,

Özgürlüyün Paşindeyem.

هر کیمسه,

الده ائده بیلمه دیکلرینین پئشینده قاچار.

منده او اوزدن,

وطنیمین,

اوزگورلویون پئشینده یم.

:: Eydamlıq Hükmü :: اعداملیق حوکمو ::

Men,

Her Axşam,

Eydamlıq Hükmüme Qol Çekib

Baş Yastığım Altına Qoymasan

Uyuyamam.

من,

هر آخشام

اعداملیق حوکمومه قول چکیب

باش یاستیغیم آلتیندا قویماسام

اویویامام.

10 2012 Ocak

:: Her İnsanın En Böyük Şeiri Yaşayışıdır ::

هر اینسانین,

ان بویوک شعیری

یاشاییشی دیر. 

یانی هر کیم

یاشاییشیندا

ان آزی بیر شعیر یازا بیلر. 

بو او دئمکدیر کی

بوتون اینسانلار شاعیردیلر. 

منده او اوزدن شاعیرم . 

Her İnsanın

En Böyük Şeiri

Yaşayışıdır.

Yanı Her Kim

Yaşayışında

En Azı Bir Şeir Yaza Bilir.

Bu O Demekdir Ki

Bütün İnsanlar

Şairdiler

Mende O Üzden

Şairem.

7 Ocak 2012 

**گئچمیشلره دالیرام **

بو سوزلری داریخیب یازدیم ائله بئله سی

گئچمیشلره دالیرام، بو دونیادا اولمادیغیمی سانیرام. دوشونورم و سونرا قالدیرملاری آیاقلاماقلا یوللانیرام. ائله بیل اوزومو ایتیردییم کوچه لر ساری گئدیر آیاقلاریم. آیاقلاریمین ایزین آیاقلایا – آیاقلایا سورونورم کوچه- کوچه.دالیمجا بیر انیلتی گلیر، الینی بوغازینا توتاراق.

 قونشوموزون بالاجا قیزی داها بویویوب و گوزل لشیب، قوجالیب اونو مارال آناسی.بویوک جادایا یئتیریرم.جادا بویودوکده داریخمالاریم دیله گلیر، دانیشدیریری دیلکلریمی.دانیشیرام دیلکلریمله و سونرا بیر من قالیرام بیرده داریخمالاریم.

قیش اولسایدی، قار قالسایدی، آیاق ایزلرینین آردیندا آیاق ایزلریمده قالاردا قالدیرملاردا.  اوندا دوناردی اللریمیز بیر- بیریمیزه چاتینجا.هوفلاماق یالنیز قیشدا سئوگی سوزودور، اونون ایچین قیش اولسایدی!

یاز چیچکلریله تانیلار و سن لئچک یینله. زئیوه چیمن لیینی خاطیرلاییرام، سن آستا گلیب لئچه یینی اوزومه آتیب قاچدیینی. ...

××× بیر شاعیر داها اوزگور بوراخیلدی ×××

بهمن نصیرزاده معلم و شاعر آذربایجانی ظهر روز سه‌شنبه ۲٣ شهریور ٨۹ پس از تحمل ۱۱۶ روز بازداشت موقت به قید وثیقه پنجاه میلیون تومانی از زندان ماکو آزاد شد.

آزادی نصیرزاده پس از محاکمه و صدور حکم حبس برای وی و اعتراض او به حکم صادره صورت می پذیرد.

شعبه اول دادگاه انقلاب خوی طی جلسه ای در ۹ شهریور ۸۹ این فعال آذربایجانی را به اتهام تبلیغ علیه نطام و عضویت در حزب گاموح محاکمه نموده است. بر اساس رای صادره که در ۱۴ شهریور ۸۹ به نصیرزاده ابلاغ شده وی را از بابت هر یک از اتهامات وارده وی را به شش ماه حبس تعزیری و در مجموع به یکسال حبس محکوم گردیده است.

بدنبال صدور حکم حبس برای نصیرزاده و اعتراض او به حکم صادره، قاضی نوروزی رئیس شعبه اول دادگاه انقلاب خوی قرار وثیقه این فعال آذربایجانی را صادر و پرونده را به دادگاه تجدید نظر آذربایجان غربی ارجاع نموده است.

این فعال آذربایجانی بامداد ۱ خرداد ۸۹ در منزل شخصی بازداشت و پس از مدت دو ماه بازجویی در اداره اطلاعات ماکو به بند زندانیان مواد مخدر این شهر منتقل شده بود.

نصیرزاده پیش از این نیز در جریان اعتراضات گسترده آذربایجانیها در سال ۸۵ بازداشت شده بودند.

جسارتیمین قایناغی، حیاتیمین پیناری - آیسان آزربایجانلی

بو میللی دویغو دئمکدیر.آدامین ایچینی یاندیرار و سونرا توکنمز قوج وئرر.بو گون قادینلار گونودور و قادین دئیینده آنام یوخ پینار کیمیلر گلیر گوزومون اونونه. من بو ایگید قادینی گورمه میشم آما قادین گونو مناسبتینه اونون جیسارتینه باش اییرم.                          م.هارای

اصلینده بو 16 ایللیک عمرومده هئچ واخت بو حیس له یاخیندان تانیش اولممیشدیم. همیشه مبارزلرین وحشی جه سیه توتولوب، اینصاف سیز لیقلا سورقولانیب و عدالت سیز لیکله محکوم اولماقلارینی گوروب ، اوزولوب نفرت حیس ائله میشدیم.ایندییه قدران چوخ توتولماغیندان اوزولوب چیخماغینی ایسته دیگیم کیشی یوروش داداش اولموشدو.

آما سنسیز کئچیردیگیم گوندن سونرا ائوه گلیب "هر آن منی آپارماغا گله بیلیرلر" دئدیگین گون، ائودن چیخماق ایسترکن اطلاعات مامورلاری قاباغینی کسیب "بیر یئره گئتمک حاققین یوخ" دئدیکلری ساعات و 4 کیشینین ائوه گلیب هر یئری آختاریب ، سنه و بوتون وطن یولوندا چالیشان مبارزلره ایسته دیکلرینی دئدیکلری آن، اوره گیم ده باش قالدیران حیس لرین هانکیسی نی دینله ییم بیلمه دیم. نفرت می؟ سئوگی می؟ غورورمو؟عشق می؟

اونلارا اولان نفرتیم بیتمز، سنه اولان سئوگیم گومولمز،منده یاراتدیغین غورور آزالماز و وطنیمه اولان عشقیم گونو گوندن ووجودومدا بوی آتار.

سنی "تبریزده سورقولاناجاق" دیه ماشینا میندیریب آپاراندا جاندان عزیز باجیمی نه لر بکله ییر بیلمه دیم. سنین اوردا نه چتینلیکلر چکه جه یینی دوشونمک ایسته مه دیم، ده لیرمه مه ک اوچون بیر آن بیله دوشونمه دیم.

اما سانیرام آنامیز چوخ دوشوندو.او سنی آپاراندان سونرا آغلار گؤزلریله "کاش کی اؤلوبده سنی ائشیکده ن آج سوسوز یئتیشمیش آپاردیقلارینی گؤرمه سه یدیم. من سنی آلله دان ایسته ییرم بالا" دئدی. و من او آن نه ایش گؤره بیلردیم؟ تؤکولمک ایسته ین گؤزیاشلاریما تؤکولمک ایزنی می وئره ردیم؟ یوخ. من گولمک ایچین بوتون چابامی ایشله دیب "قورخما آنا هئچ بیرزاد اولماز نئچه گوندن سونرا گله جک،نیگران اولما" دئدیم. آما او منه "سن آنا دئییل سن منیم نه چکدیگیمی بیلمزسن."

و تانییرسان آنامیزی غم لی اولاندابایاتی اوخویار:

بالا،بالا، بالدادی

بالا، وئره ر بال دادی

شیرینی،شیرین اولار

  آجی سی وئرر بال دادی 

آرتیق نه سایاق گؤز یاشلاریمی ساخلایا بیلیردیم؟ اوتاغا گئدیب قاپی نی باغلاییب گؤزیاشلاریمی اؤزگؤر بیراخدیم.

جسارتیمین قایناغی، حیاتیمین پیناری.

aysan azerbaycanli

هیرسیزلارین شاعیرلردن و یازارلاردان مملکتیمیزه فایدالی اولدوقلار

هیرسیزلارین شاعیرلردن و یازارلاردان مملکتیمیزه فایدالی اولدوقلاری

ایبراهیم بی جعفرزاده، حمید بی رستمی(آرغیش):

بیز هامیمیز دوستاقداییق. فیکیر دوستاغی دیر بورا. اینسان دوشدوکلریندن قورخور و هورکور و بو او دئمکدیر کی بو توپراغین هامیسی دوستاقدیر.

شاعیرلر، یازارلار و... دوستاقلانمالیدیلار. شوکورلر اولسون کی بونلاردان تهلوکه لی و هیرسیز کیمسه بو اؤلکه ده تاپیلمیر.

۱۳۸۱-ده یادیندا حمید بی! ایبراهیم افندی!

ماًمورلار گوددولر کی کیمسه گورمه سین و هیرسیزلار آذرسافت اینجه سایار بانکاسینی چاپیپ آپاردیلار.ایندی بو ماجرادان ۶ ایل اوتدو و مامور اوغرولار و اوغرولار اوزگورجه یاشاماقدادیلار.

آما سیز نئدن اوزگور یاشایاسینیز؟

اورک دویونتولری

بیر داها تامارزیلاریمی پایلاشماغا گلدیم سیزینله. ایچیمده آلوو چکن وولکان پوسگورتوسوندن گوزلرین قان چاناغی دیر. آغلاماق ایسته مم کی، یاشاماق دوندان- دونا گئمیک اولورسا دا بو بیزیم طالعیمیزی دئییشتیرمه یه جک. دئمک کندی - کندیمه هارای چکمکه لییم. ایچیمی داغیرتمالییام. ایچیمده شپه لنن دنیز ،شعیر بارداغیمی سیندیریب. چاخیر دنیزی ده کفلندیره بیلمیر منی.قولاقلاریم دوپ-دولو هایقیرماقدیر. دوداقلاریم اودلانمیش تارلا. اوهوی!!!!!

بو منم

هارای ی ی ی ی ی ی ...

بو منم م م م

آزربایجااااااااااااااااااااااان