هر آن
فیرلانیر داماریمدا قان
هر آن
دولانیر باشیما کهکشان
دولانیر باشیمدا کهکشان
هر آن
دوغولور اولدوز
باتیر گونش
اؤلور بیری
جانلانیر کیمی !
من ده ده م اؤلنده آغلامایاجایام
من هر کیم اؤلنده آغلامامیشام
من اؤلنده ده آغلایا بیله یه جه یم.
آرابا-آرابایا چارپیشیر
داشا،
داغا،
دره یه،
سنه.
اولدوز- اولدوزا
گونشه
و دارماداغیم سپه لنیر
اؤلورلر هامیسی
کیم آغلاییر بو گئجه
بو فاتحه سسی کیمین
من آغلامیرام
سنده آغلاما
آغلاماسین هئچ کیم.
تانری
بو دالبادال باخیشین آردی
تانری
بو آغلاییشلارا کار
قاریشقا نوخوشلاماز
دانیشاندا یالنیز
کیمسه دویاماز سسینی
قاریشقا گوجلو
قاریشقا موهندیس
بو هانسی اویرتمن
بو هانسی بیلم یوردو
بو هانسی بولوم
بو ...
هانسی اشرف مخلوقات!؟
او یا بو فیرباش انیشتین
دونیادا دوز جیزیق
دوز یول
دوز خط یوخ دئییر
نه یاخشی کی من
بیر گون
سنینله چارپیشاجاقدیم
سنه چاتاجاقدیم.
سنین ایسترسن
سنینله قوجاقلاشاجاقدیم.
من گلدیم کئفلندیم
منه باش چک
من آذربایجان ادبیاتیندا مراغا ادبیاتینین بیر اورنه گی